İspan klubunda Ebola həyəcanı

İspaniyanın "Rayo Valyekano" futbol klubunun rəhbərliyi Afrika Millətlər Kubokunun seçmə mərhələ oyunu üçün İspaniyanı tərk edən Lass Banquranı geri çağırıb. Lent.az-ın məlumatına görə, La Liqa təmsilçisi ebola virusundan ehtiyatlandığı üçün bu addımı atıb. Bu vaxta qədər Qvineyada 760 nəfərin Ebola virusuna yoluxaraq ölməsi, ispanları əməlli-başlı narahat edib. Nəticədə 22 yaşlı futbolçu Qvineya yığmasının düşərgəsini tərk edərək, İspaniyaya qayıtmalı olub. Qeyd edək ki, qvineyalılar şənbə günü Qana ilə qarşılaşacaqlar.