Güney Azərbaycanda zəlzələdə yaralananların sayı kəskin artdı - YENİLƏNİB

Güney Azərbaycanın Xoy şəhərində baş verən zəlzələ nəticəsində yaralananların sayı 120-yə çatıb.

Olaylar.az xəbər verir ki, məlumatı "Azad İran" yayıb.

***

Qeyd edək ki, yanvarın 18-də Xoyda 5,4 bal gücündə zəlzələ olub. Yeraltı təkanlar 12 km dərinlikdə qeydə alınıb.

Xatırladaq ki, zəlzələ Naxçıvan Muxtar Respublikasında 5-3 bala qədər hiss olunub.

Qeyd edək ki, 2022-ci il oktyabrın 5-də Xoy şəhərində 5,7 bal gücündə zəlzələ baş verib. Həmin vaxt 390 nəfər yaralanıb, 4000-dən artıq evə ziyan dəyib, 100-dək ev isə tamamilə dağılıb.