İranda ölənlərin sayı 4460 nəfərə çatıb

İranda atmosferdəki çirkin sürətlə artması ölüm hallarının da çoxalmasına səbəb olub.AzərTac-ın  verdiyi xəbərə görə, ölkənin Səhiyyə Nazirliyi bəyan edib ki, bu vaxtadək çirkli hava ucbatından dünyasını dəyişənlərin sayı 4460 nəfərə çatıb. Zəhərli hava əsasən ürək və ağciyər çatışmazlığı yaradır, o cümlədən bu qəbildən olan xəstələrin vəziyyətini daha da ağırlaşdırır.Ən son məlumatlara görə, Tehranda gün ərzində atmosferə azı 6 min 500 ton çirkli tullantı daxil olur. Bu səbəbdən də havanın təmizlənməsi məqsədi ilə növbədənkənar tətillərin elan olunması İran paytaxtında ənənə halını alıb.