Çöhrəqanlı Türkiyəyə gəlir

Artıq viza məsələsi həll edilib

Güney Azərbaycan Milli Oyanış Hərəkatının lideri, doktor Mahmudəli Çöhrəqanlı Türkiyəyə gəlir. Bu barədə məlumatı  "OLAYLAR"a GAMOH-un mətbuat üzrə əlaqələndiricisi Cəfər Pəştu verib. Onun sözlərinə görə, doktor Mahmudəli Çöhrəqanlı  MHP-nin qurultayına qatılacaq. Qeyd edək ki, doktor noyabrın 4-də Ankarada keçiriləcək Milli Hərəkat Partiyasının qurultayına dəvət alıb. Artıq viza məsələsi həll edilib və Çöhrəqanlının Ankaraya gələcəyi dəqiqləşib. Türkiyədəki güneylilər doktoru qarşılamağa hazırlaşırlar. ("OLAYLAR" İA)