Xoylu fəallara iş kəsildi

Güney Azərbaycanın Xoy şəhərində milli hərəkatçılarım məhkəməsi olub. GAMOH-un mətbuat katibi Ağrı Qaradağlının "OLAYLAR"a verdiyi məlumata görə, mühakimə olunan 16 nəfərdən 7-si məhkəməyə gəlməsə də,  hamısına eyni cəza verilib. Hərəkatçılara rejim tərəfindən qondarma ittiham irəli sürülüb. Onları silahlı mübarizəyə cəhddə, pantürkizmdə suçlandırıblar. Siyasi fəalların hər biri 6 ay məcburi həbs və 2 il şərti cəza alıblar. Qeyd edək ki, bu hərəkatçılar keçən il mərhum İbrahim Cəfərzadənin dəfn mərasimində iştişaş yaratma ittihamı ilə həbs edilmiş, bir müddət qanunsuz saxlandıqdan sonra girov müqabilində azad edilmişdilər.