Dünya
Nazarbayevlə Sarkisyanın telefon danışığının DETALLARI
Qazaxıstanın prezidenti Nursultan Nazarbayev Ermənistanın prezidenti Armen Sarkisyanla telefon danışığı aparıb. Serj Sarkisyanın baş nazir postuna namizədliyinin irəli sürülməsi ilə aprel ayının 13-dən etibarən Ermənistanda başlayan etiraz dalğalarının sülh yolu ilə həll olunması gərəkdiyini deyən Nazarbayev hakimiyyəti əhali ilə danışıqlara səsləyib.
Madam Tüsso muzeyində birinci xanımın heykəli qoyuldu
ABŞ-ın birinci xanımı Melaniya Trampın Nyu-Yorkda yerləşən Madam Tüsso muzeyində mum heykəli qoyulub. Melaniyanın heykəli prezident Donald Trampın mum heykəli ilə yanaşı qoyulub. Ekspozisiyanın ilk ziyarətçisi isə Ağ Evin keçmiş mətbuat katibi Şon Spayser olub.
Rumıniyada zəlzələ
Rumıniyada 4,6 bal gücündə zəlzələ baş verib. Bu barədə Avropa və Aralıq dənizi Seysmoloji Mərkəzin (EMSC) məlumatında bildirilir. Yerli vaxtla saat 20:15-də qeydə alınan yeraltı təkanların episentri paytaxt Buxarestdən 134 km şimalda, ocağı 150 km dərinlikdə yerləşib.
.jpg)
Süni intellekt laboratoriyası yaradılır
Avropanın süni intellekt sahəsində çalışan mütəxəssisləri ümumavropa laboratoriyasının yaradılması haqqında təklif irəli sürüblər. Alimlərin fikrincə, bu, Avropanın texnoloji baxımdan Çin və ABŞ-dan geriliyini aradan qaldırmağa kömək edəcək. Hazırda süni intellektin inkişafı elmi-tədqiqat fəaliyyətində prioritet istiqamətlərdən biri hesab olunur. Bununla yanaşı, bu sahədə texnologiyalar yaradan iri laboratoriya və mərkəzləri ABŞ ərazisində yerləşir. Həmçinin ekspertlər bildirir ki, bu sahə üzrə Avropa ABŞ və Çindən xeyli geridə qalır. Bununla əlaqədar Avropanın aparıcı universitetləri “beyin axını” problemi ilə üzləşir.
Almaniya həbsxanalarında boş yer qalmayıb
Almaniya həbsxanalarında boş yer qalmayıb. “Funke Mediengruppe” media holdinqinin 16 federal vilayətin ədliyyə nazirliklərinin iştirakı ilə keçirdiyi sorğuya görə, ayrı-ayrı hallarda (Baden-Vürtenberq vilayətində olduğu kimi) həbsxanalardakı sıxlıq 100 faizə çatır.
Çində nəhəng ağcaqanad tapıldı
Çində nəhəng ağcaqanad növü tapılıb. Məlumata görə, ağcaqanadın uzunluğu 11,15 santimetrdir. Digər ağcaqanadlardan fərqli olaraq, bu ağcaqanad qanla deyil, nektarla qidalanır.