Ukraynada minalanmış ərazilərin sahəsi İngiltərənin ərazisindən böyükdür

Hazırda Ukrayna dünyanın ən çox minalanmış ölkələrindən biridir: onun təxminən dörddəbir ərazisi - İngiltərənin ərazisindən daha böyük bir sahə - minalanıb.

Musavat.com xarici agentliklərə istinadən xəbər verir ki, bu barədə "The Guardian" qəzeti məlumat yayıb.

Ukrayna Fövqəladə Hallar Dövlət Xidmətinin məlumatına görə, müharibənin başlanmasından bəri  partlayıcı qalıqlardan az qala 1000 nəfər zərər çəkib, onlardan 359-u həlak olub.

BMT eksperti Pol Heslop isə bildirir ki, Ukrayna ərazisi boyunca artıq bir milyondan çox mina yerləşdirilib.