Qəzzada bir gündə ən azı 11 nəfər aclıqdan ölüb - ÖZƏL

Son 24 saat ərzində Qəzza Sektorunda acından ən azı 11 nəfər vəfat edib, onların arasında iki uşaq da var. Olaylar.az xəbər verir ki, bu məlumatı Qəzza Səhiyyə Nazirliyi özünün Telegram-kanalında yayıb.
Nazirliyin verdiyi məlumata görə, aclıqdan ölənlərin ümumi sayı artıq 300-ə çatıb, onların 117-si yetkinlik yaşına çatmayan uşaqlardır. 21 avqustda Qəzza hakimiyyəti bildirib ki, son 3,5 həftə ərzində Qəzza Sektoruna təxminən 2 000 humanitar yardım yük maşını daxil olub ki, bu da əhalinin ehtiyaclarının yalnız 15%-ni qarşılayır. Son 25 gün ərzində Qəzzaya ən azı 15 000 yük maşınının gəlməsi gözlənilirdi, lakin İsrail yalnız 2 187 yük maşınına icazə verib.