Gürcüstanda hakim komandada kadr dəyişiklikləri – “hakimiyyətin zəifləməsi” – ÖZƏL

Olaylar.az xəbər verir ki, "Vahid Milli Hərəkat" Partiyasının (Milli Hərəkat) baş katibinin müavini İrakliya Pavlenişvili Gürcüstan hakim partiyası "Gürcü Arzusu"nda baş verən son kadr dəyişikliklərini şərh edib.

O, Mamuka Mdinaradzenin Dövlət Təhlükəsizlik Xidmətinin rəhbəri postuna namizəd göstərilməsini hakimiyyətin zəifləmiş vəziyyətinin göstəricisi adlandırıb:
"İvanişvili klanında aparılan kadr təmizləmələrinə baxan hər kəsdə belə təəssürat yaranır ki, onlar hakimiyyətin şaqulini bərpa edə, rejimi sabitləşdirə bilmirlər. Bu, həm daxili müqavimətin, həm də beynəlxalq təzyiq və sanksiyaların nəticəsidir. Klanlararası mübarizə rejimi daha da zəiflədir və nəticədə altı il müddətinə seçilən vəzifələrə kadrlar formal olaraq bir neçə aylıq gətirilir".

Xatırladaq ki, avqustun 23-də Gürcüstan Dövlət Təhlükəsizlik Xidmətinin rəhbəri Anri Ohanashvili istefa verdiyini açıqlayıb. Elə həmin gün baş nazir İrakli Kobaxidze bu vəzifəyə parlament çoxluğunun lideri Mamuka Mdinaradzeni namizəd irəli sürüb.