Fiko: Münaqişəyə son qoymaq üçün başa düşməliyik ki, Ukrayna NATO-ya üzv ola bilməz - ÖZƏL

Slovakiyanın Baş naziri Robert Fiko bildirib ki, münaqişənin başa çatmasının əsas şərtlərindən biri Ukraynanın NATO-ya üzv ola bilməyəcəyini anlamaqdır.

Olaylar xarici mənbələrə istinadən bu barədə xəbər verir.

"Konfliktin başa çatmasının birinci əsas şərti Ukraynanın Şimali Atlantika Alyansına üzv ola bilməyəcəyini başa düşməkdir", - deyə Fiko Avropa İttifaqı liderlərinin onlayn sammitindən sonra yayımlanan videomüraciətində söyləyib.

Bundan əvvəl məlumat verilmişdi ki, ABŞ-ın Ukraynaya verdiyi təhlükəsizlik zəmanətləri NATO-ya üzvlüyü istisna edir və bu, mütləq şəkildə Amerika qoşunlarının Ukrayna ərazisinə göndəriləcəyi anlamına gəlmir.

İbrahim Məmmədli