Britaniya ABŞ silahlarının Ukraynaya alınmasına 10 milyard ayıracaq - ÖZƏL

Böyük Britaniya Ukrayna üçün ABŞ silahlarının alınmasına 10 milyard funt sterlinqdən (təxminən 13,5 milyard dollar) çox vəsait ayıracaq. Olaylar.az xəbər verir ki, bu barədə Böyük Britaniyanın Özbəkistandakı keçmiş səfiri (2002-2004) Kreyq Mürrey Xarici İşlər Nazirliyindəki yüksək vəzifəli mənbəyə istinadla məlumat verib. Onun sözlərinə görə, bu vəsait Avropa İttifaqının ABŞ-dən  100 milyard dollarlıq silah alışının təxminən 15 faizini təşkil edəcək. Silahların Ukraynaya ötürülməsi nəzərdə tutulur. Diplomat əlavə edib ki, bu qərarın nəticəsində Britaniyada bəzi sosial ödənişlər, o cümlədən qış yanacaq yardımları ixtisar edilə bilər.
Qeyd edək ki, daha əvvəl Financial Times yazmışdı: Ukrayna ABŞ silahlarını 100 milyard dollar dəyərində almağa hazırdır, lakin bu, Avropa ölkələrinin maliyyələşdirməsi və Vaşinqtonun təhlükəsizlik zəmanətləri müqabilində mümkün olacaq.