Mişustin və İranın birinci vitse-prezidenti Qırğızıstanda görüşüb - ÖZƏL

Rusiya Baş naziri Mixail Mişustin Qırğızıstanın Çolpon-Ata şəhərində İranın birinci vitse-prezidenti Məhəmməd Rza Aref ilə görüşüb. Görüş Avrasiya İqtisadi İttifaqı (Aİİ) çərçivəsində keçirilən tədbirlər zamanı baş tutub. Olaylar.az xəbər verir ki, məlumata görə, söhbət Çolpon-Atadakı dövlət rezidensiyasında, Aİİ-yə üzv ölkələrin baş nazirlərinin dar formatda keçirilən iclası zamanı gerçəkləşib.
Hazırda İran, Özbəkistan və Kuba ilə yanaşı, Aİİ-də müşahidəçi statusuna malikdir. İran İslam Respublikası ittifaqın tədbirlərində iştirak edir və Aİİ ölkələri ilə fəal ticarət aparır. Aİİ ilə İran arasında azad ticarət sazişi qüvvədədir.