Miroşnik: Ukrayna Rusiya və ABŞ danışıqlarını pozmağa hazırdır - ÖZƏL

Rusiya Xarici İşlər Nazirliyinin Kiyev rejiminin cinayətləri üzrə xüsusi nümayəndəsi Rodion Miroşnik qeyd edib ki, atəşə məruz qalan şəhərlərin sayı bir buçuk dəfə artıb.

Olaylar xəbər verir ki,"Ukrayna Alyaskada Rusiya və ABŞ arasındakı danışıqları pozmaq üçün qadağan olunmuş bütün vasitələrdən istifadə etməyə hazırdır"- deyə Miroşnik bildirib.

"İndi Ukrayna yenidən deyir ki, chr("39")gəlin atəşkəs rejimi tətbiq edək və onu 30 gün müddətinə bərqərar edəkchr("39"). Yəqin ki, 30 gün ərzində fortifikasiya qurğularını daha asan qurmaq olar. ABŞ və Rusiya arasında vacib sammit ərəfəsində konteksti nəzərə almaq lazımdır. Təəssüf ki, Ukraynanın, Avropa ölkələri tərəfindən dəstəklənən tərəfinin mövqeyi neqativdir. Ukrayna bu gün qadağan olunmuş bütün vasitələrdən istifadə etməyə və mənfi informasiya fonu yaratmağa hazırdır", - diplomat "Həqiqət uğrunda mübarizə" forumu çərçivəsində TASS-a verdiyi mətbuat konfransında bildirib.

Miroşnik əlavə edib: "Sammitin hazırlanacağı xəbəri yayıldıqdan sonra və tərəflər Alyaskada iki ölkə liderlərinin görüş imkanı barədə təsdiq verdikdən sonra sərhəd bölgələrinə atəşin sayı ən azı dörddə bir nisbətində artıb. Atəşə məruz qalan şəhərlərin sayı bir buçuk dəfə artıb. Bütün bunlar bir neçə gün ərzində baş verib".

Görüşlə bağlı bəyanatlar ABŞ Prezidenti xüsusi nümayəndəsi Stiven Uitkoffun 6 avqustda Moskvaya səfərindən sonra verilib, burada onu Rusiya Prezidenti qəbul edib.

ABŞ Dövlət Departamentinin məlumat bazasına görə, iki dövlət başçısının sammiti 15 avqustda Alyaskada keçiriləcək. Putin ABŞ-a sonuncu səfərini 2015-ci ildə etmişdi.

7 avqust, cümə axşamı günü, Rusiya Prezidentinin köməkçisi Yuri Uşakov bildirib ki, Rusiya və ABŞ iki ölkə liderlərinin - Vladimir Putin və Donald Trampın görüşü barədə razılıq əldə edib. Eyni gün Putin də Trampla görüşün hazırlanmasını təsdiqləyərək, ikitərəfli görüşə qarşılıqlı marağın olduğunu vurğulayıb.

İbrahim Məmmədli