ABŞ Yaponiya ilə irimiqyaslı hərbi təlimlər keçirəcək – 14 minə yaxın hərbçi iştirak edəcək

Yaponiya Silahlı Qüvvələri gələn ay ABŞ dəniz piyadaları ilə birlikdə "Resolute Dragon" adlı genişmiqyaslı təlimlər keçirəcək.

Bu barədə Olaylar xarici KİV-ə istinadən xəbər verir.

Məlumata görə, bu təlimlərdə ən yeni reaktiv sistemlərdən istifadə ediləcək və onlar, xüsusilə, Okinava prefekturasının cənub adalarını, Kiusyu adasının cənub-qərb hissəsini və Rusiyaya yaxın yerləşən Yaponiyanın ən şimal adası Hokkaydoni əhatə edəcək.

Yapon ordusunun komandanlığının açıqlamasına görə, manevrlər 11-25 sentyabr tarixlərində baş tutacaq.

Təlimlərdə Yaponiyanın quru qoşunlarından 12 min hərbçi, həmçinin təxminən 1,9 min ABŞ dəniz piyadası və digər amerikalı personal iştirak edəcək.