İsveçrə Prezidenti ticarət rüsumları ilə bağlı danışıqlar aparmaq üçün ABŞ-a səfər edəcək - ÖZƏL

İsveçrə Prezidenti Karin Keller-Zutter Federal Şuranın vitse-prezidenti Gi Parmelen ilə birlikdə ticarət rüsumları ilə bağlı danışıqlar aparmaq üçün Vaşinqtona səfər edəcək.

Olaylar xəbər verir ki,bu barədə İsveçrə hökumətinin mətbuat xidməti məlumat yayıb.

"Səfərin məqsədi - ABŞ-ın narahatlığını nəzərə alaraq İsveçrə ixracına əlavə rüsumların azaldılması ilə bağlı daha cəlbedici təklif təqdim etməkdir", - deyə məlumatda bildirilir.

Bundan əvvəl ABŞ Prezidenti Donald Tramp Avropa İttifaqına sərmayə öhdəliklərini yerinə yetirmədiyi halda, rüsumların 35%-ə qədər artırılması ilə hədələyib.

İbrahim Məmmədli