Gizli görüş qalmaqalı ÖLKƏNİ ÇALXALADI - sülhün qarşısı belə alınır - ŞOK
Qəzzada yekun atəşkəs razılaşması zamanı baş nazir Benyamin Netanyahu İsrail siyasi və təhlükəsizlik rəsmiləri ilə gizli görüş zamanı həm bütün məhbusların azad edilməsinə, həm də atəşkəsə səbəb ola biləcək təklifləri rədd edib.
Olaylar.az xəbər verir ki, İsrailin Kanal 13 telekanalı İsrail təhlükəsizlik rəsmilərinin iclasda məhbusların azad edilməsi və Qəzzada hərbi əməliyyatların dayandırılmasını nəzərdə tutan hərtərəfli razılaşmanı dəstəklədiyini, lakin Baş nazir Netanyahunun bunu rədd etdiyini ortaya qoyan məlumatları dərc edib.
Kanalın əldə etdiyi protokollar açıq şəkildə göstərir ki, təhlükəsizlik və kəşfiyyat qurumlarının rəhbərləri o zaman hərtərəfli razılığın əldə oluna biləcəyinə və lazım gələrsə, müharibənin bərpa oluna biləcəyinə inanırdılar, lakin Netanyahu bunu rədd edib.
Protokollara görə, bütün İsrail rəhbərliyi humanitar məsələlərdə təzyiqin HƏMAS-ı təslim olmağa məcbur edəcəyini güman etməklə səhv edib. Beş aydan sonra İsrailin Qəzzaya yardım axınına münasibəti HƏMAS-a heç bir təsir göstərməyib, eyni zamanda Tel-Əvivin beynəlxalq nüfuzuna ciddi zərbə vurub.
Hesabatda qeyd olunub ki, İsrail təhlükəsizlik rəsmilərinin əksəriyyəti məhbusların azad edilməsi və Qəzzada hərbi əməliyyatların dayandırılmasını əhatə edən hərtərəfli razılaşmanı dəstəkləyir. Lakin bildirilib ki, bunun baş verməsi üçün HƏMAS ilə razılaşmanın ikinci mərhələsi, yəni döyüşlərin dayandırılması şərtləri ilə bağlı danışıqlar aparılmalıdır. Buna baxmayaraq, Netanyahunun rəhbərlik etdiyi siyasi rəhbərliyin bu təklifi rədd etdiyi vurğulanıb.
İsrail Məhbus Ailələri Nümayəndəliyi bildirib ki, Kanal 13-ün dərc etdiyi məxfi sənədlərlə bağlı hesabat hərtərəfli məhbus mübadiləsi razılaşmasının mümkünlüyünü sübut edir. Ailələr vurğuladılar ki, Netanyahu hökuməti qəsdən bu cür razılaşmalara mane olur və ictimaiyyəti çaşdırır. Hökumətin təhlükəsizlik rəsmilərinin təqdim etdiyi mümkün təklifləri rədd etdiyi və bu proses zamanı bəzi məhbusların Qəzzada sağ ikən öldüyü bildirilib.
Ailələr əvvəlki razılaşmanın sona çatmasından bu yana 50 əsgərin öldüyünü, nə hərbi uğur qazandığını, nə də məhbusların geri qaytarıldığını bildiriblər. HƏMAS isə bəyan etmişdi ki, bütün israilli məhbusları kütləvi şəkildə azad etməyə hazırdır, lakin bunun üçün müharibəyə son qoyulması və İsrailin Qəzzadan çıxması lazımdır.
Müxalifət və məhbusların ailələri iddia edirlər ki, Netanyahu hakimiyyətdə qalmaq üçün müharibəni uzadan həll yollarına üstünlük verir.