Tramp: "Bunu əldə etmək üçün ölürlər"

ABŞ Prezidenti Donald Tramp həftə sonu Avropa və Asiya liderləri ilə Birləşmiş Ştatların rüsumları ilə bağlı danışıqlar apardığını deyib.

Floridadan Vaşinqtona qayıdan prezident təyyarəsinin göyərtəsində jurnalistlərin suallarını cavablandırıb.

"Mən bir çox Avropa və Asiya liderləri ilə danışmışam. Onlar ticarət razılaşması əldə etmək üçün ölürlər", - ABŞ lideri bildirib.

Donald Tramp deyib ki, xarici liderlər ticarət kəsirini aradan qaldırmaq məqsədilə ABŞ-ın tətbiq etdiyi tarifləri ləğv etmək üçün "irihəcmli pullar" ödəməli olacaqlar.