İsrailin Baş naziri Netanyahunun 7 apreldə Vaşinqtona səfəri planlaşdırılır – ÖZƏL

Olaylar.az xəbər verir ki, İsrailin Baş naziri Benyamin Netanyahu 7 aprel tarixində Vaşinqtona səfər etməyi planlaşdırır. Səfər çərçivəsində onun ABŞ prezidenti Donald Trampla bir sıra mühüm məsələləri, o cümlədən gömrük rüsumları, Qəzza zolağındakı vəziyyət və İranla bağlı məsələləri müzakirə edəcəyi gözlənilir. 

Məlumata görə, Netanyahu Trampın hakimiyyətə gəlməsindən sonra onunla şəxsən görüşəcək ilk xarici lider ola bilər. Görüş zamanı İsrailin üzərinə tətbiq olunan gömrük rüsumlarının aradan qaldırılması ilə bağlı razılaşmaya nail olmaq hədəflənir.

Həmçinin, İsrailin baş naziri diplomatik səylərin nəticə verməyəcəyi təqdirdə, İranın nüvə obyektlərinə mümkün zərbələr məsələsində Tramp ilə qarşılıqlı anlaşma əldə etmək istəyir.