Rusiya XİN rəsmisi: “Kiyev Moskva-Vaşinqton danışıqlarını pozmaq üçün hər cür təxribatlara hazırdır” – ÖZƏL

Rusiya Xarici İşlər Nazirliyinin xüsusi tapşırıqlar üzrə səfiri Rodion Miroşnik bildirib ki, Kiyev Moskva ilə Vaşinqton arasında danışıqları pozmaq üçün, ilk növbədə öz ərazisində olmaqla, istənilən təxribatlara getməyə hazırdır.

Olaylar.az xəbər verir ki, o bu fikirləri özünün Telegram kanalında paylaşaraq qeyd edib:
"Rusiya ilə ABŞ arasında danışıqları pozmaq üçün Kiyev istənilən təxribata hazırdır. Əsasən də öz ərazilərində, harada ki, onlara heç kim əngəl yaratmır. Onlar öz əhalisinə qarşı istənilən zorakılığı həyata keçirə, şəraiti əvvəlcədən hazırlaya və bu dəhşətləri Qərb sponsorlarının meydanlarına yayımlaya bilirlər. Qadınlara da, uşaqlara da rəhm etmirlər - bütün bunlar "qlobal məqsədlər" naminə edilir: Rusiyanı ittiham etmək və ABŞ-ni qan tökülməsini maliyyələşdirməyə davam etməyə razı salmaq."