Rusiya və Vyetnam iqtisadi əlaqələri qorumaq üçün əməkdaşlığı sürətləndirir – ÖZƏL

Rusiya və Vyetnam iki ölkə arasındakı iqtisadi əlaqələri qanunsuz Qərb sanksiyalarının təsirindən qorumaq üçün əməkdaşlığı sürətləndirmək barədə razılığa gəlib. 

Olaylar.az xəbər verir ki, bu barədə Rusiya Xarici İşlər naziri Sergey Lavrov Vyetnamın baş nazirinin müavini, Xarici İşlər naziri Bui Thanh Şon ilə danışıqlardan sonra keçirilən mətbuat konfransında bildirib.

Lavrovun sözlərinə görə, Moskva və Hanoy bank sektorunda rahat və effektiv hesablaşmaların təmin edilməsi istiqamətində əməkdaşlığı genişləndirmək niyyətindədir. O qeyd edib ki, son illərdə tətbiq edilən sanksiyalar bu sahəyə təsir göstərir.

"Bizim iqtisadi və maliyyə əlaqələrimizi belə qeyri-qanuni məhdudiyyətlərin mənfi təsirindən qorumaq üçün görülən işlər davam edir. Bu gün isə bu prosesi sürətləndirmək barədə razılığa gəldik ki, heç kim Rusiya və Vyetnamın qanuni hüquqlarını şübhə altına almasın və əməkdaşlığımıza mane olmasın", - deyə Lavrov vurğulayıb.

Qeyd edək ki, Bui Thanh Şon 1-4 aprel tarixlərində rəsmi səfərlə Rusiyada səfərdədir.