Badra Gunba Abxaziya Prezidenti vəzifəsinə təntənəli şəkildə and içib- ÖZƏL

Olaylar.az xəbər verir ki, 2 mart seçkilərində qələbə qazanan Badra Gunba Abxaziya Respublikasının Prezidenti vəzifəsinə təntənəli şəkildə and içib. Andiçmə mərasimi Suxumda, hökumətin akt zalında keçirilib, burada Gunba Konstitusiya üzərinə əl qoyaraq and içib.

"Abxaziya xalqının rifahı, sülhü və asayişi naminə bilik və qüvvəmi əsirgəməyəcəyimi, fəaliyyətimi Abxaziya Respublikasının Konstitusiyasına uyğun şəkildə yerinə yetirəcəyimi, bu Konstitusiyanın dövlət orqanları tərəfindən pozulmaz şəkildə yerinə yetirilməsini təmin edəcəyimi və bütün vətəndaşların hüquq və azadlıqlarının qorunmasına nəzarət edəcəyimi vəd edirəm", - deyə Gunba Abxaz dilində təntənəli şəkildə and içib. Mərasimdə parlamentin deputatları və Konstitusiya Məhkəməsinin hakimləri iştirak ediblər.

Andiçmədən sonra parlamentin spikeri Laşa Aşuba Gunbaya Abxaziya Prezidentinin atributlarını: prezidentin ştarandı, dövlət gerbinin təsvir olunduğu möhür və "Abxaziya Respublikasının Prezidenti" yazısı, Abxaziya Silahlı Qüvvələrinin Baş Komandanı kimi prezidentin rolunu simvollaşdıran qılınc və dövlət hikməti simvolu olan milli Abxaziya çubuğu təqdim edib.