ABŞ Panama kanalını strateji aktiv adlandırıb

ABŞ prezidenti Donald Trampın administrasiyası hesab edir ki, Panama kanalı Çin tərəfindən "nə de-fakto, ya da de-yure" idarə oluna bilməyən strateji sərvətdir. 

Olaylar.az xəbər verir ki, bunu ABŞ-ın Latın Amerikası üzrə xüsusi nümayəndəsi Maurisio Klaver-Karone deyib .

"Bu, əsas sualdır. Çünki, son nəticədə söhbət əsas, vacib, strateji aktivdən gedir", - deyə o qeyd edib.

Klaver-Karone vurğulayıb ki, 21-ci əsr Amerikanın əsri olacaqsa, Panama kanalı Pekinin nəzarəti altında olmamalıdır.

İnauqurasiya günü Donald Tramp bildirib ki , Çin Panama kanalına nəzarəti ələ keçirib. Çin Xarici İşlər Nazirliyinin sözçüsü Mao Ninq iddiaları rədd edərək , Çinin Panama kanalının idarə edilməsi və istismarında heç bir əli olmadığını bildirib.