Tramp İnauqurasiyası üçün ikinci dəfə rus adı daşıyan şərab seçdi– ÖZƏL

Olaylar.az xəbər verir ki, ABŞ-nin yeni prezidenti Donald Tramp, ikinci dəfə olaraq inauqurasiyası üçün "Korbel Russian River Valley Natural" adlı şərabı seçib. Lakin, bu şərabın adı rusca olsa da, özü əslində Kaliforniya istehsalıdır. Bu barədə "Derbent Vino"nun kommunikasiya rəhbəri Alina Sirazetdinova məlumat verib.

2017-ci ildə keçirilən inauqurasiyada da eyni şərab təqdim edilib. Sirazetdinova bildirib ki, belə tədbirlər üçün yerli istehsal olan, şampan üsulu ilə hazırlanan şərab seçilməlidir və bu səbəbdən "Korbel" istehsalçısı seçilib.

Şərab, ABŞ-nin ən yaxşı şərabçılıq bölgələrindən biri olan Russian River Vadisində istehsal edilir. "Korbel Russian River Valley Natural" şərabı Pino Noir və Chardonnay üzüm sortlarından hazırlanıb.

ABŞ-nin yeni prezidenti Donald Tramp 2024-cü il noyabrın 5-də keçirilən seçkilərdə qələbə qazanıb və 20 yanvar 2025-ci ildə Kapoitolda inauqurasiya mərasimi keçirilib. Tramp əvvəlki dəfə 2017-2021-ci illərdə prezidentlik vəzifəsini icra edib.