İran və Belarus 400 min kalium gübrəsinin tədarükü barədə razılığa gəliblər - ÖZƏL

"Minsk və Tehran İrana 400 min ton Belarus kalium gübrəsinin tədarükü barədə razılığa gəliblər".

Olaylar.az xəbər verir ki, bunu İranın Belarusdakı səfiri Əlirza Sanei bildirib.

"Potas gübrələrinə gəlincə, deyə bilərəm ki, bizim çox yaxşı müqaviləmiz var. Biz Belarusdan 400 min ton kalium gübrəsinin tədarükü barədə razılığa gəlmişik", - o, deyib.
İranlı diplomatın sözlərinə görə, iki ölkənin şirkətləri arasında tibbi preparatların və dərmanların tədarükü ilə bağlı müxtəlif danışıqlar aparılıb:

"Biz Belarus tərəfi ilə də razılaşdıq ki, bu, üçüncü ölkələrin digər bazarlarına çıxmaq üçün qovşaq olmaq üçün imkanlarımızı təmin edəcək. Ölkələrimiz neft və neft-kimya sektorunda yaxşı əməkdaşlıq edir".
"İran və Belarus bir-birini tamamlaya, əməkdaşlıq edə və bu yolla ölkələrimizin üzləşdiyi bu ədalətsiz sərt iqtisadi sanksiyalara tab gətirə bilər", - Sanei vurğulayıb.