Ermənistan Snup Doqun baş tutmayan konsertinə görə 6 milyon dollar ödəyib

Ermənistan hökuməti reper Snup Doqun sentyabrın 23-də İrəvanda keçirilməsi planlaşdırılan konsertinin təşkilatçılarına 6 milyon dollar ödəniş edib.

Olaylar.az xəbər verir ki, bu barədə Ermənistanın Maliyyə Nazirliyi məlumat yayıb.

Sentyabrın 21-də Snup Doqun Ermənistanda keçiriləcək konsertinin təşkilatçısı olan "Doping Space" şirkəti konsertin başqa tarixə keçiriləcəyini, yeni tarix barədə məlumat verəcəyini bildirib.

"Ermənistan hökumətinin qərarı ilə amerikalı reper Snup Doqun sentyabrın 23-nə planlaşdırılan, lakin təxirə salınan konsertinin keçirilməsi üçün xəzinəyə 2,318 milyard dram (təqribən 6 milyon dollar) dəyərində müqavilə daxil olub. Bu məbləğ avqustun 25-də tam ödənilib", - nazirlikdən bildiriblər.

Nazirlik konsertin dövlət büdcəsi hesabına maliyyələşdirilən mədəni tədbirlər proqramı çərçivəsində planlaşdırıldığını bildirərək məbləğin geri qaytarılmadığını bildirib. (Trend)