Qəzzada girovlarla bağlı danışıqların niyə dalana dirəndiyi məlum olub - ÖZƏL

Fələstinin Həmas hərəkatının İsraildən Qəzza zolağına yanacaq tədarükünə icazə verməsini tələb etməsindən, lakin çoxlu sayda əcnəbi məhbusun azadlığa buraxılmasına zəmanət verməməsindən sonra Qəzza zolağında saxlanılan girovların azad edilməsi ilə bağlı danışıqlar dalana dirənib.

Olaylar.az xəbər verir ki, bu barədə NBC öz mənbələrinə istinadən məlumat yayıb.

Telekanal qeyd edir ki, Fələstin hərəkatı yanacaq almaqda israrlıdır.

"İsrail və Amerika tərəfləri, üstəlik, digər dövlətlər öz vətəndaşlarının böyük bir qrupunun azad edilməsini istəyirlər", - kanal danışıqlardan xəbəri olan keçmiş amerikalı rəsminin sözlərindən sitat gətirir.

NBC iddia edir ki, girov məsələsi ilə bağlı danışıqlar hələ oktyabrın 27-də İsrail ordusu Qəzza zolağında əməliyyatlarını genişləndirəcəyini elan etməzdən əvvəl dalana dirənib. Diplomatlardan biri qeyd edib ki, hələ oktyabrın 26-da danışıqlar uğurla gedir və onların iştirakçıları həftə sonu razılığa gəlməyi planlaşdırırlar.

Bundan əvvəl İsrail Müdafiə Qüvvələrinin sözçüsü Daniel Hagari jurnalistlərlə keçirdiyi brifinqdə Qəzza zolağında azı 230 girovun olduğunu bildirib.

Bundan əvvəl İsrailin baş naziri Netanyahu Qəzza zolağının sakinlərini təxliyə etməyə çağırıb.