Polşa daşıyıcıları iki ay ərzində Ukraynadan bütün girişləri bloklaya bilər - ÖZƏL

Polşa daşıyıcıları tətilə başlamağı planlaşdırır ki, bu da Polşa ilə Ukrayna sərhədindəki bütün keçid məntəqələrinin bağlanması ilə nəticələnə bilər.

Olaylar.az xəbər verir ki, bu narahatlığı Ukraynanın "Ukravtoprom" avtomobil istehsalçıları assosiasiyası bildirib.

Assosiasiya nümayəndələrinin sözlərinə görə, sərhəddə etiraz aksiyaları noyabrın 3-də başlaya bilər.

"Əvvəllər onlar bir keçid məntəqəsi ilə məhdudlaşırdılarsa, indi Ukraynadan bütün mövcud girişləri bağlamağı planlaşdırırlar. Aksiya iki ay müddətinə planlaşdırılır", - RİA Novosti "Ukravtoprom"un mesajından sitat gətirir.

Qeyd olunur ki, Polşa daşıyıcılarının Korçova keçid məntəqəsində ilk hərəkəti artıq razılaşdırılıb. Burada tətilçilər xarici şirkətlər üçün daşıma qaydalarının sərtləşdirilməsini, Avropa İttifaqından kənar kapitalı olan təşkilatların Polşada müəssisələri qeydiyyatdan keçirməsinə qadağa qoyulmasını və Ukraynadan daşıyıcılara etibarlı icazələrin qaytarılmasını tələb edəcəklər.

Polşalıların qəzəbinə səbəb Ukrayna ilə Aİ ölkələri arasında daşıma qaydalarının liberallaşdırılmasından sonra rəqabətin kəskin şəkildə artmasıdır.

Bundan əvvəl Polşa Seymi ölkənin Ukraynanın "faydalı axmaq"ına çevrildiyini açıqlamışdı.