Qasırğa 27 nəfərin ölümünə səbəb oldu

Saffir-Simpson şkalası üzrə beşinci kateqoriyaya qədər güclənən Sakit Okean qasırğasının Meksika ərazisindən keçməsi nəticəsində azı 27 nəfər həlak olub.

Olaylar.az oxu.az-a istinadən bildirir ki, bu barədə cümə axşamı ölkənin İctimai Təhlükəsizlik və Vətəndaşların Müdafiəsi naziri Roza İzela Rodriqes bildirib.

O, həmçinin dörd nəfərin itkin düşdüyünü deyib.

Xatırladaq ki, "Otis" qasırğası çərşənbə günü gecə Akapulko şəhəri yaxınlığında ciddi fəsadlar törədib. Qeyd olunur ki, qasırğa daxilində küləyin maksimal sürəti 75 m/s-ə çatıb.