Danimarkanın XİN rəhbəri Türkiyəyə rəsmi səfər edəcək

Danimarkanın xarici işlər naziri Lars Lökke Rasmussen Türkiyə XİN rəhbəri Hakan Fidanın dəvəti ilə 27 oktyabr 2023-cü il tarixində Ankaraya rəsmi səfər edəcək.

Olaylar.az trend-ə istinadən xəbərinə görə, bu barədə Türkiyə Xarici İşlər Nazirliyi məlumat yayıb.

Məlumata əsasən, səfər çərçivəsində keçiriləcək görüşlərdə Türkiyə ilə Danimarka əlaqələrinin müzakirəsi planlaşdırılır.

Bundan əlavə, aktual mövzular, o cümlədən Qəzzada baş verənlər, Türkiyə-Avropa İttifaqı münasibətləri, bəzi Avropa ölkələrində Qurani-Kərimə hücumlar barədə fikir mübadiləsi aparılacaq.