Litva ruslar və belaruslar üçün məhdudiyyətləri uzadacaq - ÖZƏL

Olaylar.az xəbər verir ki, Litvanın baş naziri İnqrida Simonyte bildirib ki, Litvanın hakimiyyət orqanları respublika Seyminə ruslar və belarusların respublikaya girişinə fərdi məhdudiyyətlərin uzadılması təklifi göndərmək niyyətindədirlər. Onun sözlərinə görə, sanksiyalar saxlanmalıdır.

"Ümumi geosiyasi kontekstə baxsaq, hökumətin belə bir təkliflə çıxış etməyəcəyini təsəvvür etmək çətindir. Düşünürəm ki, mövcud qanunun müddətinin uzadılmasına ehtiyac olacaq", - deyə Simonyte izah edib.

O əlavə edib ki, hökumət bu təklifi verməli olacaq, çünki məhdudiyyətlər hazırda yalnız 2024-cü ilin may ayına qədər planlaşdırılır. Simonyte vurğulayıb ki, məhdudiyyətlərin müddəti başa çatana qədər Rusiya və Belarusla münasibətlərdə situasiyanın müsbət dəyişməsini gözləmək mümkün deyil.

"Hökumət nəinki uzadılma, həm də bəzi təkliflər ilə bağlı sərtləşməyə ehtiyac görsə, bunu edəcək", - deyərək Litvanın baş naziri yekunlaşdırıb.

Litva hökumətinin qərarına əsasən, 2024-cü il mayın 3-dək ruslar və belaruslar üçün Litva vizalarının və yaşayış icazələrinin alınması imkanları məhdudlaşdırılacaq.