Lukaşenko özünü Aİ-nin qızğın tərəfdarı adlandırıb - ÖZƏL

Olaylar.az xəbər verir ki, Belarus prezidenti Aleksandr Lukaşenko Avropa İttifaqının məhv edilməsinin əleyhinə çıxış edib. Minskdə Macarıstanın xarici işlər naziri Peter Siyarto ilə görüşdə o qeyd edib ki, Belarus tərəfi, əksinə, birləşmənin qorunmasını dəstəkləyir. 
"Avropa İttifaqı hesab edir ki, Belarusiya Avropa İttifaqının əleyhdarıdır. Aİ-dəki hazırkı təlatümlərə və Avropa İttifaqının bizə qarşı tətbiq etdiyi sanksiyalara baxmayaraq, bilməlisiniz ki, Belarus prezidenti Avropa İttifaqının qorunub saxlanmasının qızğın tərəfdarıdır" deyə Lukaşenko izah etdi.
O əlavə edib ki, Minsk üçün Aİ dünya sisteminin mühüm hissəsidir. Lukaşenko vurğulayıb ki, Brüsselin dünya üçün  əhəmiyyəti ABŞ və ya Rusiya ilə müqayisə oluna bilər .
"Biz, həqiqətən də, Avropa İttifaqının güclü, suveren və müstəqil bir birlik olmasını istəyirik. Münasibətlərdəki bütün nüansları və hətta ittifaqın bu gün Belarusa münasibətdə yürütdüyü siyasəti nəzərə alaraq, bunu bilməlisiniz. Biz birliyin tərəfdarlarıyıq", - deyə Lukaşenko yekunlaşdırıb.