Qəzzada ölənlərin sayı 6500-ü keçib - ÖZƏL

İsrailin oktyabrın 7-dən bəri bombardman etdiyi Qəzzada can itkisi sürətlə artmaqda davam edir. Olaylar.az sözcü-ə istinadən xəbər verir ki  Qəzza Səhiyyə Nazirliyi    ölənlərin sayının 6 min 546-ya çatdığını açıqlayıb. Onlardan 2704-nün uşaq olduğu bildirilib. Hücumlarda yaralananların sayı 17 min 439-a yüksəlib. Açıqlamaya görə, son 24 saatda Qəzzada 344-ü uşaq olmaqla, daha 756 fələstinli həyatını itirib. Bu arada İsrail HƏMAS-ın hərbi rəsmilərindən Teysir Mübəşirin blokada altındakı Qəzza zolağında öldürüldüyünü açıqlayıb. İsrail ordusu və Daxili Kəşfiyyat Xidməti Şin-Bet birgə bəyanatında İzzəddin əl-Qəssamın komandirlərindən olduğu bildirilən Mübəşirə qarşı sui-qəsdin təşkil edildiyi bildirilib. İsrail qüvvələrinin birgə bəyanatında Mübəşirin əvvəllər HƏMAS-ın dəniz qüvvələrində işlədiyi, silah istehsalı ilə məşğul olduğu və İsrail əsgərlərinə qarşı bir çox hücumlara görə məsuliyyət daşıdığı bildirilib. HƏMAS hələlik məsələ ilə bağlı açıqlama verməyib.