Türkiyənin hakim partiyası bu tarixdə iclas keçirəcək

Türkiyənin iqtidarda olan Ədalət və İnkişaf Partiyasının (AKP) Fövqəladə Konqresi 7 oktyabr tarixində keçiriləcək.

Olaylar.az trend-ə istinadən xəbər verir ki, bu barədə AKP Mərkəzi Qərar və İdarə heyətinin (MKYK) iclasından sonra qərar qəbul edilib.

Bildirilib ki, konqresin gündəmində bələdiyyə seçkiləri olacaq.

Bundan əlavə, terrorla mübarizə, xarici siyasətdəki inkişaf, iqtisadiyyatdakı son vəziyyətin də konqresdə müzakirə edilməsi gözlənilir.

Qeyd edək ki, 31 mart 2024-cü il tarixində Türkiyədə bələdiyyə seçkiləri keçiriləcək.