Türkiyənin taxıl sövdələşməsi cəhdləri niyə nəticəsiz qala bilər?- ÖZƏL

Olaylar.az xəbər verir ki, Türkiyədəki diplomatik mənbənin verdiyi xəbərə görə, Türkiyənin taxıl müqaviləsini bərpa etmək səyləri Rusiyanın tələbləri yerinə yetirilmədən nəticə verməyə bilər.

"Əgər bu baş verməsə və ya Rusiyanın tələblərinin yerinə yetiriləcəyinə inamı yoxdursa, o zaman sövdələşməyə qayıtmaya bilər", - deyə o bildirib.

Daha əvvəl Avropa Komissiyasının (AK) vitse-prezidenti Valdis Dombrovskis bildirmişdi ki, AK Rusiya Federasiyasını taxıl müqaviləsini bərpa etməyə çağırır, çünki Moskvanın Qara dəniz vasitəsilə Ukrayna taxılının tədarükünə qoyduğu məhdudiyyətlər təkcə Rusiya üçün problem yaratmır. 

Dombrovskisin fikrincə, Rusiya taxıldan silah kimi istifadə edir.

AK-nin vitse-prezidenti vurğulayıb ki, Avropa Birləşmiş Millətlər Təşkilatının (BMT) və Türkiyənin Qara Dəniz Təşəbbüsü ilə bağlı bütün səylərini dəstəkləyir və Aİ Ukraynaya taxıl və digər malların ixracı üçün alternativ ticarət yolları təqdim edir.