Norveç F-16 qırıcılarını Ukraynaya təhvil verəcək- ÖZƏL

Norveç Ukraynaya qırıcı təyyarələrin verilməsinə qərar verən üçüncü ölkə olacaq. Bundan əvvəl Ukrayna prezidenti Vladimir Zelenski Finlandiyanın baş naziri Petteri Orpodan Helsinkinin istismardan çıxardığı dördüncü nəsil F-18 (Hornet) qırıcı təyyarələrinin Kiyevə təhvil verilməsini xahiş edib. 

Zelenski Amerika istehsalı olan F-16 qırıcılarının Ukrayna Hərbi Hava Qüvvələri üçün prioritet olaraq qaldığını vurğulayıb. Danimarka isə səkkiz ukraynalı F-16 qırıcı pilotunun təliminə başlayıb. Ukraynanın müdafiə naziri Oleksiy Reznikovun sözlərinə görə, aviasiya koalisiyasına 11 tərəfdaş ölkə qoşulub, Hollandiya və Danimarka isə ukraynalı pilotların, texniklərin və mühəndislərin hazırlanması layihəsində liderdir.