Rusiya Silahlı Qüvvələri üçün BMD-4M və BTR-MDM tədarükü artıb - ÖZƏL

Rusiya Silahlı Qüvvələri üçün BMD-4M hava-desant döyüş maşınlarının və BTR-MDM zirehli personal daşıyıcılarının tədarükü artıb.

Olaylar.az xəbər verir ki, bu barədə TASS-a "Yüksək dəqiqlikli komplekslər" holdinqindən ("Rostec" dövlət korporasiyasına daxildir) məlumat verilib.

"Təchiz olunan avadanlıqların həcminə gəlincə, biz, əlbəttə ki, konkret rəqəmlər açıqlaya bilmərik, lakin qeyd etmək lazımdır ki, ilin birinci yarısında biz sifarişçiyə bütün ötən ildə olduğu qədər çox texnika təhvil vermişik. Biz avadanlıqların istehsalını və sifarişçiyə tədarükünü artırmağa davam edirik "deyə holdinq agentliyə Moskva vilayətində keçirilən Ordu-2023 beynəlxalq hərbi-texniki forumunda bildirib.