Türkiyəli nazirə İraqda 120 illik Osmanlı xəncəri hədiyyə edilib

İraqda Hakan Fidana 120 illik Osmanlı xəncəri hədiyyə edilib.

Olaylar.az trend-ə istinadən xəbər verir ki, bu barədə Türkiyə Xarici İşlər Nazirliyindən bildirilib.

"Hakan Fidan Bağdada səfəri zamanı Türkiyənin Bağdad səfirliyində İraq Türkmən Cəbhəsinin nümayəndə heyəti ilə görüşüb. İclasda İraq Türkmən Cəbhəsinin prezidenti Həsən Turan və İraqdakı Türkmən İcmasının liderləri iştirak ediblər. İclasın sonunda keçmiş İTC prezidentlərindən biri olan və hələ də Türkmən Qardaşlar Dərnəyinin sədri vəzifəsini icra edən Faruk Abdullah Əbdürrəhman Hakan Fidana 120 illik Osmanlı xəncərini hədiyyə edib." - deyə nazirliyin açıqlamasında qeyd olunub.

Qeyd edək ki, görüş mətbuata qapalı şəkildə davam edib.