Türkiyə Çanaqqala boğazını bağladığını elan etdi - ÖZƏL

Meşə yanğını səbəbiylə Çanaqqala Marmara dənizi istiqamətində gəmilərin keçidinə bağlanıb.

Olaylar.az xəbər verir ki, bu barədə Türkiyənin Nəqliyyat və İnfrastruktur Nazirliyi X sosial şəbəkəsində (keçmiş Twitter) məlumat yayıb.

"Çanaqqala-Kəpəz bölgəsində baş verən meşə yanğını ilə əlaqədar olaraq Çanaqqala boğazında cənub-şimal istiqamətində gəmilərin hərəkəti müvəqqəti olaraq dayandırılıb. Gəmilərin hərəkəti bir istiqamətdə həyata keçirilir", - məlumatda deyilir.

Avqustun 17-də "Haber Global" telekanalı Türkiyə Milli Müdafiə Nazirliyindəki mənbələrə istinadən bəyan edib ki, respublika Ukraynanın kənd təsərrüfatı məhsulları daşıyan yükdaşıyanların Bosfor və Çanaqqala boğazlarından keçməsinə zəmanət verməyə hazırdır. Qeyd olunub ki, Ukraynadan hələlik bir gəmi də yola düşməyib.

Bundan əvvəl Türkiyənin nəqliyyat naziri Əbdülkadir Uraloğlu bildirmişdi ki, Ankara iyulun 1-dən gəmilərin Bosfor və Çanaqqala boğazlarından keçməsinə görə rüsumları 8%-dən çox artıracaq.

Bundan əvvəl taxıl müqaviləsi başa çatdıqdan sonra ilk gəmi Odessa limanını tərk edib.