Çin BRİKS ölkələrindən 57,86 milyard dollar dəyərində enerji resursları idxal edib - ÖZƏL

Çinin Baş Gömrük İdarəsinin məlumatına görə , bu ilin yanvar-iyul aylarında Çin BRİKS ölkələrindən 57,86 milyard dollar həcmində enerji resursları idxal edib. 2023-cü ilin ilk yeddi ayında Çin BRİKS ölkələrindən 422,78 milyard yuan (57,86 milyard dollar ekvivalenti) enerji resursları (neft, kömür və təbii qaz) idxal edib ki, bu da 17,3% artım deməkdir. 

Eyni zamanda, hesabat dövründə Çin BRİKS ölkələrindən 270,24 milyard yuan (36,98 milyard dollar) məbləğində kənd təsərrüfatı məhsulları idxal edib ki, bu da 14,9% artım deməkdir. O cümlədən, soya idxalı 7,9 faiz, ət, dəniz məhsulları və yemək yağlarının idxalı isə müvafiq olaraq 13 faiz, 22,4 faiz və 185,4 faiz artıb.

BRICS sammiti avqustun 22-dən 24-dək Yohannesburqda keçiriləcək  və orada Çin, Hindistan, Braziliya və Cənubi Afrika liderləri iştirak edəcək . Sammitdə Rusiyanı xarici işlər naziri Sergey Lavrov təmsil edəcək . 

BRİKS Braziliya, Rusiya, Hindistan, Çin və Cənubi Afrikanı birləşdirir və bu yaxınlarda Argentina , İran , Əlcəzair , Tunis , Türkiyə , Səudiyyə Ərəbistanı və Misir də daxil olmaqla, ən azı 19 dövlət bu iqtisadi bloka qoşulmaq arzusunu ifadə edib.