Almaniya səfiri Rusiyanı dialoqa çağırıb- ÖZƏL

Almaniyanın Moskvadakı yeni səfiri Aleksandr Lambsdorf bildirib ki, Almaniya və Rusiya Ukraynadakı münaqişəyə baxmayaraq, bir-biri ilə qarşılıqlı əlaqəni davam etdirməlidir. Onun sözlərinə görə, indiki şəraitdə əlaqələrin saxlanılması böyük əhəmiyyət kəsb edir. 

"Bu böhran ilə əlaqədar münasibətlərimizdə siyasi gərginliyin olmasına baxmayaraq, Rusiya və Almaniyanın ən çətin dövrlərdə etdiyi kimi, diplomatik təmasların davam etdirilməsi vacibdir. Biz bir-birimizlə ünsiyyət qurmalıyıq - hökumətlər səviyyəsində, cəmiyyət səviyyəsində insanlar bir-biri ilə ünsiyyət qurmalıdırlar "deyə Lambsdorf izah edib.  2022-ci ilin fevral ayının sonunda Ukraynada Rusiya hərbi xüsusi əməliyyatına başlaması ilə Almaniya, digər Qərb ölkələri kimi, Rusiyanın hərəkətlərini pisləyərək Kiyevə yardımını artırdı. Son il yarım ərzində Berlin dəfələrlə Moskva ilə dialoqun tərəfdarı olduğunu bildirib, lakin Ukrayna tərəfinə həm maliyyə, həm də hərbi dəstəyi davam etdirəcəyini vəd edib.