Kiyev Rusiyanın Olimpiya Oyunlarında iştirakına qarşıdır - ÖZƏL

Olaylar.az xəbər verir ki, Vladimir Zelenskinin ofis rəhbərinin müşaviri Mixail Podolyak sosial şəbəkələrdə rusiyalı idmançıların Parisdə keçiriləcək Olimpiya Oyunlarına buraxılması ilə bağlı Ukraynanın mövqeyini bildirib.

"Ukraynanın mövqeyi, şübhəsiz ki, dəyişməzdir: Rusiyanın 2024-cü il Olimpiadasında iştirakı ola bilməz. İdman siyasətdən kənar deyil, idman siyasətdir", - deyə Podolyak yazıb.

2022-ci il fevralın sonunda Beynəlxalq Olimpiya Komitəsi (BOK) beynəlxalq idman federasiyalarına müraciət edərək, onlara Rusiya və Belarus idmançılarını heç bir yarışa buraxmamağı tövsiyə edib.

BOK-un İcraiyyə Komitəsinin 28 mart 2023-cü il tarixli iclasında idmançılar hərbi əməliyyatları dəstəkləməkdə fəal iştirak etməsələr, ruslara neytral statusa icazə vermək tövsiyə olunub.

Avqustun 14-də Ukraynanın baş naziri Denis Şmıxal Rusiya və Belarus idmançılarının turnirdə iştirakına icazə veriləcəyi təqdirdə 35 ölkənin birləşməyə və Olimpiadanı boykot etməyə hazır olduğunu bəyan edib .