Kadırov Putinə sadiqliyini nümayiş etdirir - Britaniya

Çeçen hərbi birləşmələri Ukrayna ilə müharibədə mühüm rol oynayır. Ramzan Kadırov Vladimir Putinə sadiqliyini nümayiş etdirir.

Olaylar.az Axar.az-a istinadən xəbər verir ki, bu barədə Britaniya Müdafiə Nazirliyinin hesabatında qeyd olunub.

Hesabatda qeyd olunub ki, Çeçenistan lideri Ramzan Kadırov avqustun 10-da verdiyi bəyanatda Zaporojye cəbhəsinin Orexov istiqamətində şiddətli qarşıdurmada "Vostok-Əhməd" batalyonunun olduğunu etiraf edib:

"Kadırovun açıqlamasından belə çıxır ki, bu ərazidə əsas rolu çeçen birləşmələri oynayır. "Vostok-Əhməd" rəsmi olaraq Rabotino ərazisində fəaliyyət göstərən Cənub Hərbi Dairəsinin 42-ci motoatıcı diviziyasına tabedir. Çeçen qüvvələri Ukraynadakı Rusiya qüvvələrinin nisbətən kiçik, lakin diqqətçəkən tərkib hissəsini təşkil edir. Kadırov bir Putin tərəfdarı kimi reputasiyasını gücləndirmək üçün bölmələrinin rolunu fəal şəkildə təbliğ edir".