Moskva vilayətindəki partlayışda 1 nəfər ölüb, 56 yaralı var - YENİLƏNİB
Moskva vilayətinin Serqiyev Posad şəhərindəki zavodda baş verən partlayış nəticəsində tibbi yardım üçün müraciət edənlərin sayı 56 nəfərə çatıb.
Olaylar.az APA-ya istinadən bildirir ki, bu barədə Moskva vilayətinin qubernatoru Andrey Vorobyov özünün "Telegram" kanalında məlumat verib.
"İzvestiya" nəşri isə mənbəyə istinadən xəbər verib ki, hadisə nəticəsində xəsarət alan qadın xəstəxanada ölüb.
***
Rusiyanın Moskva vilayətinin Sergiyev Posad şəhərində yerləşən Zaqorsk optik-mexanika zavodunda güclü partlayış baş verib.
Olaylar.az Trend-ə istinadən xəbər verir ki, bu barədə TASS agentliyi məlumat yayıb.
"Partlayış Zaqorsk optik-mexanika zavodu ərazisində, qazanxana hissəsində baş verib. Partlayış dalğasından ətrafdakı bir neçə binanın şüşələri sınıb", - məlumatda deyilir.
Qeyd edək ki, Sergiyev Posad Moskvadan təqribən 50 km şimal-şərqdə yerləşir.