Moskvada güclü partlayış olub

Rusiyanın Moskva vilayətinin Sergiyev Posad şəhərində yerləşən Zaqorsk optik-mexanika zavodunda güclü partlayış baş verib.

Trend xəbər verir ki, bu barədə TASS agentliyi məlumat yayıb.

"Partlayış Zaqorsk optik-mexanika zavodu ərazisində, qazanxana hissəsində baş verib. Partlayış dalğasından ətrafdakı bir neçə binanın şüşələri sınıb", - məlumatda deyilir.

Qeyd edək ki, Sergiyev Posad Moskvadan təqribən 50 km şimal-şərqdə yerləşir.