Kiyevdəki hava hücumundan müdafiə sistemi dünyanın ən yaxşısı kimi tanınıb - ÖZƏL

Dünyanın ən güclü hava hücumundan müdafiə sistemi Ukrayna paytaxtını Rusiyanın raket hücumlarından qoruyur.

Olaylar.az xəbər verir ki, bu barədə Britaniyanın "The Times" qəzeti Ukrayna Silahlı Qüvvələrindəki yüksək rütbəli anonim mənbəyə istinadən yazır.

"Patriot" hava hücumundan müdafiə sistemi "dayanılmaz" Rusiya raketlərini qəlpələrə çevirir", - mənbə bildirib.

Onun sözlərinə görə, hazırda ən güclü hava hücumundan müdafiə sistemləri Kiyevdə cəmləşib, o cümlədən Patriot (ABŞ), Nasams (Norveç), Almaniya istehsalı olan IRIS-T və S-300, həmçinin Fransız Crotale.

Eyni zamanda, mənbə yuxarıda qeyd olunan sistemlər üçün sursat çatışmazlığını etiraf edib. Onun fikrincə, "Patriot" üçün illik 150-160 raket istehsalı ilə hərbi əməliyyatları planlaşdırmaq mümkün deyil, çünki onlar bir aya sərf olunur.

"Əgər payıza qədər gözləsək, o zaman onlar (Rusiya Silahlı Qüvvələri) yenidən enerji infrastrukturunu vuracaqlar", - məqalə yekunlaşır.

Bundan əvvəl Rusiya Federasiyasının Müdafiə Nazirliyi məlumat vermişdi ki, Rusiya hava hücumundan müdafiə sistemləri gün ərzində HIMARS reaktiv yaylım atəş sisteminin səkkiz Ukrayna raketini ələ keçirib.

Bundan əvvəl Rusiyada yeni pilotsuz təyyarələrin qarşısının alınması sistemi yaradılmışdı.