Nağıl və dastanların federal reyestri yaradılacaq

Rusiyada "qeyri-maddi etno-mədəni irs obyektlərinin" federal reyestrinin yaradılması nəzərdə tutulur.

Olaylar.az oxu.az-a istinadən bildirir ki, bu barədə ölkənin baş naziri Mixail Mişustin fərman imzalayıb.

Reyestr nağıllardan, dastanlardan, rəqslərdən, ayinlərdən, adət-ənənələrdən ibarət olacaq.

Siyahıda bu və ya digər obyektin mənşəyi, mövcud olduğu ərazi, orijinal ənənəvi mədəniyyətin daşıyıcıları və qoruyucuları haqqında məlumatlar əks olunacaq. Reyestrin operatoru Rusiya Mədəniyyət Nazirliyi olacaq.