Quran qalmaqalından sonra İsveç və Danimarkadan ard-arda tədbirlər- ÖZƏL

Son zamanlar Quran yandıran hərəkətləri ilə beynəlxalq ictimaiyyətin gündəminə gələn İsveç və Danimarka təkbətək açıqlamalar verib.

Olaylar.az xəbər verir ki, Quranın yandırılması böhranının İsveç və Danimarkada hücumlara səbəb ola biləcəyi ilə bağlı narahatlıqlar artdıqca, İsveç hökuməti vətəndaşlarını qorumaq üçün təhlükəsizlik tədbirləri elan edəcəyini bildirib. Son həftələrdə İsveç və Danimarkada Quranın yandırılması və ya zədələnməsi ilə bağlı çoxlu hadisələr baş versə də, bu hərəkətlər müsəlmanların da böyük reaksiyasına səbəb olub. İsveç hökuməti baş nazir Ulf Kristersson və ədliyyə naziri Qunnar Stromerin təhlükəsizlik vəziyyətini müzakirə etmək və "İsveç vətəndaşlarını qorumaq üçün tədbirləri" izah etmək üçün bu gün mətbuat konfransı keçirəcəklərini açıqlayıb. 

İsveç və Danimarka hökumətləri gərginliyi azaltmaq üçün bu cür hərəkətləri qanuni olaraq məhdudlaşdırmaq yollarını axtardıqlarını açıqlasa da, dünən Quran yandırılması davam edib. Danimarka Təhlükəsizlik və Kəşfiyyat Xidməti (PET) Quranın yandırılmasının hücum riskinin artmasına səbəb olduğuna inandığını açıqlayıb. Ötən gün İslam Əməkdaşlıq Təşkilatı (İƏT) də Xarici İşlər Nazirləri Şurasının fövqəladə iclasını keçirərək son hadisələri müzakirə edib. İKT iclasdan sonra verdiyi açıqlamada üzv dövlətləri Qurana hörmətsizlik edilən ölkələrdə müvafiq siyasi və ya iqtisadi addımlar atmağa çağırıb.