Dokusuri qasırğasında can itkisi artır- ÖZƏL

Filippində "Doksuri" qasırğası nəticəsində ölənlərin sayı 25-ə çatıb.

Olaylar.az xəbər verir ki, Filippində Doksuri qasırğasının yaratdığı fəlakət və qəzalarda həyatını itirənlərin sayı 25-ə yüksəlib.

Təxminən bir həftədir ölkəni öz təsiri altına alan tayfun bir çox şəhərlərdə həyata mənfi təsir edib. Xinhua agentliyinin xəbərinə görə, səlahiyyətlilər, əsasən torpaq sürüşməsi və daşqınlar nəticəsində ölənlərin sayının 25-ə yüksəldiyini, ilk təsbitlərə görə 20 nəfərin itkin düşdüyünü açıqlayıb.

Ölkədə təxminən 2,4 milyon insanı təsir edən qasırğa səbəbindən 50 mindən çox insan təhlükəsiz yerlərə təxliyə edilib.