Rusiya keçmiş Minsk Qrupunun yolunu gedir - ÖZƏL
"Rusiya keçmiş ATƏT-in Minsk qrupunun yolunu gedir. Bu ölkənin vasitəçiliyi, təşəbbüsü ilə keçirilən bütün görüşlər Azərbaycan-Ermənistan münasibətlərinin normallaşdırılmasından, Bakı ilə İrəvan arasında sülh müqaviləsinin imzalanmasından daha çox regionda gərginliyin davam etməsi, Qarabağda yeni hərbi əməliyyatların başlanmasına maraqlıdır". Bu fikirləri "OLAYLAR"-a "Milli İnkişaf" İctimai Birliyinin sədri Arzuman Muradlı Azərbaycan və Ermənistanın xarici işlər nazirlərinin Moskva görüşünü şərh edərkən səsləndirib. O bildirib ki, Rusiyadan daha çox Vaşinqton və Brüssel Bakı ilə İrəvan arasında münasibətlərin normallaşmasına maraqlıdır və həmin formatlarda baş tutan görüşlər nəticəyə nail olmaq istiqamətində səmərəlidir:
"Düşünürəm ki, Rusiyanın təşəbbüsü ilə keçirilən görüşlər imitasiya xarakteri daşıyır və bu görüşlərdə məqsəd mövcud problemin həllinə mane olmaq, eyni zamanda regionda öz varlığının uzunmüddətli olmasını reallaşdırmaqdır".