Almaniya Ukraynanın Rusiya neftindən yanacaq aldığını açıqlayıb- ÖZƏL
Olaylar.az xəbər verir ki, Ukrayna ordusunun ehtiyacları üçün Macarıstan və Türkiyədə istehsal olunan böyük həcmdə dizel yanacağını Rusiya neftindən idxal edir. Bu barədə "Handelsblatt" Ukrayna gömrüyünün məlumatlarına istinadən xəbər verir.
Nəşrin məlumatına görə, Ukrayna Macarıstanın MOL şirkəti və türk tədarükçülərindən idxal etdiyi neftin həcmini artırıb. Macarıstan tədarükçüsü son altı ayda ukraynalı müştərilərə ixracını iki dəfə artırıb. MOL-a Avropa İttifaqından Rusiyadan gələn neftdən öz neft emalı zavodlarında istifadə etmək üçün xüsusi icazə verilib. Rusiya neftinə əl atmayan digər şirkətlər indi Ukrayna bazarındakı paylarını itirirlər. Handelsblatt-ın məlumatına görə, Macarıstan MOL Rusiya neftini alır və hazırda Ukrayna Silahlı Qüvvələrinin hərbi texnikası bu xammaldan istehsal olunan yanacaqla doldurulur. Bu ilin yanvarında mətbuatda Ukrayna tankları üçün yanacağın tədarükü Bolqarıstanın "Lukoyl" zavodunun vasitəçi firmalar zənciri vasitəsilə həyata keçirildiyi barədə məlumat yayılmışdı. Bu söz-söhbətlər fonunda Dövlət Dumasının sədri Vyaçeslav Volodin Dumanın Təhlükəsizlik və Korrupsiyaya Qarşı Mübarizə, habelə Energetika üzrə Komitələrinə "Lukoyl" neft emalı zavodunun Ukrayna Silahlı Qüvvələrinə hasil olunan yanacağın tədarükü ilə bağlı məlumatları öyrənməyi tapşırıb.